أُسطورة حُب 
***********
ياقِصَه بالدم مَنقوشه 
علي جِبين الأحباب 
لو كان فيها يوم هنا 
فالباقي كُله عَذاب
ياقِصه فيها تاه الأحباب
عن نَفسهم 
عن بَعضهم 
تاهوا وسط العِتاب 
وسط الحِساب 
وإتبَدلت حروف الأمل 
بحروف وهم وسَراب
ياقِصه عاشِت عُمرها 
بِقَلب حَزين مَرجوف 
الكُل عايش سَعيد 
وإنتِ إللي عِشتي 
وسط القَلق والخوف 
لا حد خد بإيدك
وقابِلتي قَلب رؤوف
ياقِصه عاشت 
وسط اللهيب والنار 
نسيت طريق الفرح 
والحَلق كُله مرار
ياقَصه غاب عنها
شروق الشَمس 
كِسوفها حجب دفئها 
وما خَفيَّ دموعها 
ظلام خسوف الأمس
ياقِصه نَقَشها التاريخ 
علي الجُدران 
عِشق وحَنان 
سَليَّ الجَسد لِحُطام 
جَرح وهَوان 
سَريَّ بالروح كما النيران
ياقِصه مَرسومه 
علي خُدود العُشاق 
بَدِلِت ورود الخَجَل 
بِدموع هَجر وفُراق
صفاء عبد ربه