خريف العمر
يا ضباب بيخنق ف النهار
لازم تموت كل الحياه
واقف على الشط إنتظار
والبحر جفت منه المياه
وشماسي مرميه بغيوم
لأصحاب مدفونه بهموم
والسر وحده عند الإله
ياضباب بيخنق ف النهار
لازم تموت كل الحياه
طبع الخريف دايمٱ رياح
يسقط معاها ورق الشجر
والعمر إيه مساا وصباح
وسنين بتجري وشمس وقمر
ولابد يوم من نهايه
تنتهي فيها حكايه
وعمري عدى جاب منتهاه
ياضباب بيخنق ف النهار
لازم تموت كل الحياه
واقف على الشط إنتظار
والبحر جفت منه المياه
بقلم /طارق شامخ عبد الجواد
