** تونس **
كانت الأسطورة صورة 
قصة الحب الشهيرة 
يحكوا عنها في الروايات اللذيذة 
إن بنت جميلة حبت و اسمها الغالي عزيزة
و البطل في القصة يونس 
الرواية كلها كانت في تونس 
يعني من يومك يا خضرا و انت حاضنة العاشقين 
لو حكيت عنك هاقول علي إسم مين و لا انسي مين 
دانتي أجمل مالجمال 
و اللي شافك قال في حسنك الف حدوتة و مقال
يعني علم و فن و رجولة بتتحدي الجبال
جامعة الزيتونة تشهد
و التاريخ زاهر مُمجّد
طارق ابن زياد زمان
هزم المجوس
أنهي حكم الكاهنة اللي كان بين نار و معبد
طهّر الأرض الكريمة 
كمّل البشري العظيمة
و الهلالي إللي صارع الأسود
و العظيمة الجازية و تاريخها اللي معروف للجدود
و الرباعي و هند صبري اللي ليهم فن فايق للحدود
و الحبيب بورقيبة ناضل لجل حرية و كرامة
و اللي قاله الشابي شعر كلامه يرفع ألف هامة
جات حروفه زلزلت عرش المطامع
شعبها أول ما قرر يا قدر خلاك تطاوع
و استمر الخير يا تونس 
دم حر بيسري في عروقك سنين
حتي لما قاسيتي ظلم الظالمين
بالعزيمة و الرجولة ثرتي ثورة عارمة
و الربيع العربي كانت زهرته نابته يا تونس من هنا
وأنت دايماً صامدة تتحدي قساوة الظروف الراهنة
و احنا من مصر الكريمة قلوبنا وياكي يا خضرا
نرفع الدعوات عشانك لو نقولها ألف مرة 
تفضلي بمجدك و رايتك في السما عالية و حرة
** همسات رمضانية **
** محمود بيومي **