مسحراتى 
======= 
مسحراتى 
بادقدق وانادى
اصحى يا نايم
وحد كريم دايم
وقول نويت ان حييت 
باقى الشهر صايم 
وليله قايم 
اطلب هدى وغفران 
واتلو وارتل واجود 
بتلاوة القران 
وبعوده يارمضان
* 
* 
مسحراتى وشاعر والصدق عنوانى 
والكلمه دى نبض لقلبى وحياتى 
الضم من الحروف عقود بدر كلماتى
كلمات عبير الورود تنتشيها بابياتى 
وكل من حس نبضى وعب تعابيرى
يعشق اشعارى واحساسى وكتاباتى 
اليوم بنادى بعلو صوتى واهاتى 
اصرخ بحرية للابجدية بمعانى 
واعلن بالحرف اعتى ثوراتى 
اقول الكلمه رساله يا خلق 
حرام عليكم تكبتوها بغير الصدق 
ويتحجر منا الكلام يا هوووو بالحلق 
خلوها وسط الظلام بنورها يا خلق تشق 
كلامنا عزوف وارتام بدون جتار ولا طبله ورق 
وبلحظة غضب بتصير اعصار وبركان ورعد وبرق 
وبلحظه نسيم هادى ليها القلوب بترق 
يسمعها العاشق يدوب باشواق
ويتسمع ليها نبضات واهات مع دق 
انا بسالك يارب ليلة قدر
يا مداوى بالكلمه قلوب الخلق 
تلهمنى وتهدينى وانت الكريم والحق 
بسورة الشعراء 
يرتجف قلبى وتبكى منى العيون 
بقولك الحق الشعرا يتبعهم الغاوون 
وانت يا ربى اللى اهدتنى لسر النون 
واقسمت بالقلم يا ربى وما يسطرون 
اهدينى يا رب ببركة دعاء رمضان 
لجواب يريح منا الضمير والقلب 
وبهدينى للخير يا رب البشر والكون 
يا عالم بالقلوب واللى بالصدور مكنون 
رحماك براسم الكلمات يا منان 
اجرنا واعفر الزلات يا رحيم رحمن 
اكتبنا من الصائمين والدخلين الجنان 
عدنا بمفاتيح رضوان والداخلين من الريان 
والشاربين من يد نبيك الهادى الامين 
واجزنا خير الجزاء بالحور العين 
واكرمنا بالدارين بتلاوة القران 
واكفنا شر كل شيطان وجان 
واجعلنا من عتقاء رمضان 
مسحراتى 
باجوب حاراتى 
ادور ليلاتى 
واوحد الديان 
اردد كلامى 
والدمع مالى العين 
عشمان يا ربى العلا انا بغفران 
اصحى يا نايم 
واصحى يا غفلان 
الفجر لاح علينا وهل وبان 
السعى للصوم 
خير من النوم 
دى ليالى سمحه 
بعديها فرحه 
ويا بخت الى نال بيها رضى وغفران 
بقلم 
الشاعر \راسم محمد