""انت قاتل"" كلمات / محمود وحيد
======================
هو يعنى
لما تحرق قلب أم؟؟
ولا تقتل بسمة طاهره
وف عيونها تطفى حلم
تبقى سويت الهوايل!!! ؟
تبقى حققت المراد؟؟
هو يعنى
لما دم الناس يسيل
والغصون الخضرا تدبل
والغنا يصبح عويل
تبقى أبو زيد الهلالى
جاى هيحرر بلاد
هو يعنى
لمًا ترعب ناس غلابة
لمًا تتلثم بجُبنك
لمًا تلبس توب ديابة
القلوب هتخاف وتجرى
لمًا هتدوس ع الزناد
لا يا خايب
انت مش فاهم طباعنا
إحنا فوق كل المصايب
وقتها تكتر جموعنا
كلنا ف الشدة واحد
وقت ما تطلبنا زاد
لا يا فاشل
عود بهية عود كرامة
مش مجرد غصن مايل
تكسره ريح الندالة
مصر ولادة فوارس
وف عيون رب العباد
مش هتحنى الراس لجاحد
مصر مش شيعة وملاحد
أهل مصر أهل عفة
مستحيل هيميلوا ليكم
مش هنقبل بالفساد