** الديك **
سبحان من لون ريشك
يابو صوت صياح صياح
يا منور وسط عريشك
و بتدن كل صباح
الكوكو ده إسم جنابك
و المهنة مؤذن شاطر
متجوز عز شبابك
و حريمك أحلى برابر
يابو عرف احمر و منور
و كأنه التاج عالراس
و العين سبحان من صور
مرسومة و عاجبة الناس
بتصحي المسلم بدري
قبل النايمين بزمان
يجري علي الجامع دغري
و يوحد في الرحمن
من و انت صغير فرخ
كتكوت أصفر و جنان
و اقف علي سور السطح
و لا خايف و لا قلقان
صورتك ماركات عالمية
و غنية عن التعريف
يا حلاوتك في الملوخية 
لو يوم دبحوك يا ظريف
** همسات رمضانية **
** محمود بيومي **