روح 
*******
روح
روح مطرح ماتروح 
وماتشغل أبداً بالك 
وإمسحني 
إمسحني من خيالك 
وسيب قلب وراك مجروح 
روح يمكن تلقي إللي يهنيك 
وإرمي وراك إللي مايعنيك 
بس إوعي 
إوعاك إنك ترجع تاني 
وتقول مشتاق لحناني
أو يوم من أيامي 
دا انا منحتك عمري بلاش 
دفء وصفا 
وفا وإخلاص 
إنتَ !!!!!!!!!!
إنتَ إديتني ايه ؟
سؤال ؟
تقدر تجابني عليه ؟
كدب وغش وخداع !!!!
غدر وهجر !!!!!!!
من غير حتي كلمة وداع 
نسيت خوفي وقلقي عليك ؟
مَوِت ليه شوقي إليك ؟
خَدت مني . وماإديت !!!!!!!!
خدت روحي وقلبي معاك
ونسيت قد ايه أنا بتمناك
إغتلت أمالي واحلامي 
وأجمل أيام عمري . وشبابي 
إللي منحتهولك من غير تمن 
وإحديت بيك الدنبا 
وإتحديت الزمن 
روح 
روح وإوعي ترجع تاني 
وتقول إنك ندمان !!!!!!!
أو إنك محتاج لأمان
روح وإرمي تاريخي وراك 
وإرمي أي ذكري 
كانت تربتطني بيك 
أو أي حلم حلمناه لبكري
إغتالته وخنقته بإيديك
وبلاش تقول إنك مشتاق 
وماتقدر أبداً ع الفراق 
وإنسي 
إنسي قلوب كانت تهواك
كانت عشقاك 
دوست عليها 
خَنَقِت روحها 
نَزفِت دَمك وسط ضلوعها 
وعاهدت روحها 
إنها !!!!!!!!!
لازم تنساك 
وإنتَ !!!!!!!!!
إنتَ إمشي علي هواك
كَمِل أيامك 
عيش حياتك 
وإوعي تبص في مره وراك 
روح!!!!!!!!!
روح وخد قلبي 
والباقي من عمري معاك 
ودوس !!!!!!!!
دوس علي جرحي 
وإوعي تبص في مره وراك
خد دنياك 
خد ذكراك 
حتي الفرحه !!!!!!!!!!!
خدها معاك 
خد كل الدنيا معاك 
وأنا مش هانساك 
ماقدرت !!! 
ماقدرتش إني أسلاك 
ماهي روحي فضلت وياك
عاشقه هواك 
عاشقه القسوه إللي جواك 
ماأنا شارياك 
وعمري !!!!!!!!!!
عمري ماكنت في يوم بيعاك 
وأتحداك 
أتحداك إنك تنساني 
وإن هوايا يموت جواك
صفاء عبد ربه