.من زمان وأنا بحلمك .... بقلم أبو يوسف محمد
من زمان وأنا بحلمك
ولا عمر حاجة تعجزك
ولا بخت مال
ولا عمر شعرك يتفرد
غير فى الحلال
من زمان وأنا بحلمك
أحلام كتير ملهاش عدد
أحلام كتيرة هتسعدك
نفسى الوصال
من زمان وأنا بحلمك
ألف وردة تزينك
لحظات جميلة بترسمك
فوق شفايف ضحكتك
سحر ودلال
وأنا عمرى طال
لما بشوفك حلم فـ عيونك
وضهر ليكى يتسند
يا أم الصبايا والرجال
يا أم البنية والولد
من زمان وأنا بحلمك
والصدق عشق بيندهك
وحروف جميلة بتعشقك
وعشقت ف عنيك المدد
من ألف عام بتخيلك
غصن زيتون بيتولد
وحاجة حلوة للبلد
وليالى حلم بتحلمك
لما الصبية تغنى ليا
إنت وعنية يا ولد
فدا حلم عمرك يا بلد
فدا حلم عمرك يا بلد