من أشعارى 
( الليل صديقى )
-------------------------------------------------
الليل صديقى الحميم.. على بعده مقدرشى
برغم طوله عليّه... وفيه مبنامشى
صديق وفى بيساعدنى.. اكتب فى أشعارى
لا مرّه ضايقه كلامى.. ولا قال لى روح إمشى
بالعكس دا ملهمى.. بقمره ونجومه
كل ما أقول ينبسط.. ويقول فداك رمشى
فى الليل تطوف ذكريات.. زى شريط سينما
فيها اللى يبقى جميل.. وللى ما ينطاقشى
والوحده مرّ الليالى .. ليلها طول الدهر
نهارها يتقل عليها... وشمسه ما تظهرشى
يا ليلى يابو الليالى..وعينى والمواويل
برغم طولك .. نجومك .. تأنس الوحشى
ياليل يا صاحبى اشكرك .. إنت جميل واسمر
كل الغناوى عليك .. بكلام ما يخلصشى
القهوه تحلى ف وجودك .. والعزف والمواويل
يا سلام كمان لو نديم ..يبقى ما أقولكشى *
رفعت فايد