اهلا رمضان
عمك رمضان من سنة صابر
عن بُعدنا يا إخوان مش قادر
من شوقنا إليه أهو بيفاخر
ذي الحجة محرم و يناير
و بحب وشوق كلم شعبان
قال له ما ترحل انت كمان
انا جاي كلي يا شعب حنان
انا جاي جايب خير و امان
انا جاي فاتح للناس قلبي
اولي رحمة واوسطي مغفرة
و اخري العتق من النيران
و اهو جانا يبشرنا بغفران
بيقول من قلبه و اعماقه
البشرى البشرى يا انسان
انا شهر كريم كلى منافع
انا شهر هدية من الرحمن
الله من كرمه مفضلني
بالذكر مع تلاوة القرآن
و كمان سبحانه طهرني
من رجس الجن اوالشيطان
اياك يا حبيبي تضيعني
في اللهو و تلعب كالصبيان
اياك اخرج منك مهموم
واسيبك بتعاني الخسران
اياك عني تكون مشغول
فتعيش عمرك في الاحزان
اياك تخرج مني حزين
او غير فائز بالاحسان
انهض شمر شد المئزر
اوعى تفرط كن يقظان
اوعى الدنيا تكون شغلاك
فتكون يوم الحشر مهان
كل الناس في الجنة سعيدة
و انت في قاع النار عطشان
دا في جنة مولانا يا صايم
بابك مخصوص اسمه الريان
و اللي يصومني و يقوم ليلي
يدخل منه جنان رضوان
من كلمات و إلقاء الشاعر
المصري / محمد العراقي
في 12 / 6 / 2015 م