مـجـنــــو نـــــــة

...............
مجنونة ...واحنا زيها
شايف خيالها ع الطريق 
مادد أوى 
مقابلنا ...فى زفة فرح
والقلب كان خايف عليها 
إنما .......جامد قوى
والرمش ......مارد
سيف ....وشادد.. 
شدته
سابق خطاها وخطوته
فاردة الشراع شريان يلملم دمنا
ويضمنا 
ينفخ فى روحنا الروح 
بطيبة قلبها 
تلقانا واصلين قبلها 
رقابينا فوق 
فوق فى السما
نغزل بأيام الوجع 
فستان فرح 
على قدها 
مين قدها ؟
حبلت رجال 
ولدت رجال 
قادرين على شيل حملها 
حالفين يجيبوا حلمها 
قول هيلة يلا 
بالعزيمة نردها 
كانت فى توهة ولا غربة 
مش مهم
بس الأهم ..
تعرف طريقها وولدها 
إمسك يا واد 
إيدى أوى 
وامسك فى قلبك بالأوى 
كدة نلقى بعض ف حضنها
ولا يوم نتوه تانى منها 
بنحبها 
مجنونة رسمى وبنت إيه 
واحنا ياصاحبى زيها 
دة احنا ...أجن منها 
...............
بــقــلـــــــم ا لـــشـــــا عــــر 
أ بـــو عـــمــــــا ر ا لـــمــــصـــــــر ى