عشت عمري بدور

عليكى
بقلمى: نجلا على
----------------------
عشت عمرى أدور على قلبى
لقيت قلبى ضاع ويّا همى
تاهت سكتى ويّا خطوتى
أنادى بأعلى صوت
صوت السكوت يزلزل الوادى
أمشى بين دروب الأحلام
أدور على .. وِلادى
تنادى صرخة الأرض ..
إبنى مات بينادى .. على بلادى
ضاعت سنين عمرى
رويت أحلامى بدم الشهيد
بين الوديان . شريان يروى عطش الصحارى
تنبت جناين ... للحاضر ولكل اللى جاىْ
بساتين الفرح طارحة الأمل ..
بينادى على وِلادى
بصوت يهز قلوب العدا
ياهل ترى ... عدوى من بلدى ؟؟
واللا من برّه ..؟؟
حدودى شرقية واللاّ غربية
أنا الحرّة . وبغنى حرية
أنا عريس الجنة ...
وتوبى الأبيض متحنى وطنية
وخايف من رصاصة طايشة غدارة
تمسح حروف بدمع العين كاتبها
مبقاش فيه قلب يبكى ولا دمعة أعاتبها
على عمرى اللى راح منى
وضاع الصبر اللى كان .
من زماااااان مستنى
صوتى كواه الجرح
والصمت ويّا الدبح
آآآآآآآآآآآآآآه وألف آآآآآآآه
على ولد فوق السارى
حِلف يكتب اسمك ياوطن بالدم
وقبل مايمشى يشيل عنك الهم
خلااااص بقيت . سواح
ومش تمساح ..
هاأعيش محتاجلك
أكون جوّة حضنك
تدفينى من غربتى
ترجع لى عزّتى
تدينى من تانى .. اسمك وعناوينك
تنادينى . أجرى وأترمى على ترابك
أبوس خدك .. وجبينك