وبتسألنى أنا ليه حبيتك
محمد ضباشه


لو فكرت حبيبى شوية
راح تعرف أن أنا عاشقاك
من أول ما خدتنى عنيك
وشافك قلبى وداب فى هواك
سهرنى على شوق لوصالك
وأتمنيت لقايا معاك
وبتسألنى أنا ليه حبيتك
علشان ما أقدر يوم أنساك

وعلشان أنت النور فى عيونى
بلقى أمانى وأنا فى حماك
وعلشان أنت بحر حنان
بتاخدنى أمواجه وياك
وعلشان أنت الكلمة الحلوه
والبسمة جايه ضاحكه وراك
بتفرحنى لما بشوفك
وبشوف حبى باين جواك

وبتسألنى أنا ليه حبيتك
وأنا بسأل أنا ليه بهواك
يمكن لما تغيب لو ثانيه
بلقى روحى تطير لسماك
ويمكن بسهر ليلى عشانك
وتشاركنى فيه ذكراك
ويمكن انت الدوى لجراحى
بطلب منك وأترجاك
ما تسألنى أنا ليه حبيتك
ولا تسأل أنا ليه بهواك