ع القهوة
====
حافظ ترابك بالحبة ... شوق ومحبة
والعشق عمره ما يتخبى ... بيبان علي طول
****
شايل سلاحك فوق كتفي ... رايح اضحي
يوم الفدا هيكون فرحي ... هنشد مواويل
****
أنا دمي مخلوق من طينك ... ينصر دينك
علي كل واحد بيهينك ... وبدون تعليل
****
أنا اللي راضع حرية ... أصلك فيا
رضعتها من مصرية ... من طرح النيل
****
ع القهوة بانت تفاصيلك ... قمرة ف ليلك
القد عايق ودليلك ...... محتاج تأويل
****
انتي الامام للي هواكي ... بمشي وراكي
مطرح ما تمشي أنا وياكي ... هتميلي هميل
****
بكرة هتوصلنا المية .... 100 لــ 100
جي الامل والحرية ..... والصبر جميل
****
أنا اللي حافظك بالرملة ... عايش نملة
والنملة لو عملت عملة حمل وأنا اشيل
****
ع القهوة قاعد كده عاطل ... لكن شاعر
كلمة بسيطة وتستاهل ..... واحد من جيل
====================== هاني عبد الوهاب