بحبك يا مصر
اول كلامى يا غاليه
ربك فى الكتاب سماكى
هتفضل رايتك عاليه
وقمرك ينور سماكى
ــــــــــــــــــــــــــــ
حبك بقلبى مزروع
شجر طارح سعاده
ضيعتى من حشانا الجوع
يا مصر يا اصل الرياده
ــــــــــــــــــــــــــــــــــــــ
لو مره قالولى أختار
ما بينك وبين ولدى
مش هافكر ولا احتار
انتى اللى باقيه يا بلدى
ـــــــــــــــــــــــــــــــــ
مين فى الغربه ينساكى
انتى لقلبنا دمه
دا نسمه بس فى هواكى
يفديها الكل بدمه
ـــــــــــــــــــــــــــــــــــــــــ
خيرك جاى من سدك
ونيلك لسه بيعافر
دا لحم كتافنا من حيرك
واللى يكرهك كافر
ـــــــــــــــــــــــــــــــــــــ
دبت رجلى على ارضك
وكتبت العهد على نفسى
لازم اصون عرضك
دانتى اغلى من نفسى
ـــــــــــــــــــــــــــــــ
هرمك باهر العالم
قرب يطول السحاب
فيكى حضاره ومعالم
تتسطر فى اى كتاب
ــــــــــــــــــــــــــــــــ
محمودعمارالزلبانى