جارى التحميل
استخدم زر ESC أو رجوع للعودة
.........** اسكندريه .. حبيبتى **.........
-----------------------------------------------------
الحب ألوان .. وحبى لبلدى.. لون نادر
ما يتوصفش بقلم .. ولا شرح فى دفاتر
اسكندريه عروسه مهرها غالى
ماحد يقدر عليه .. مهما يكون قادر
ملكة جمال البحور
مين دا اللى ينافسها ؟
دا تاجها بس لوحده الماظ من النادر
وياقوت ومرجان فى وسط التوب ساير داير
فيروزه متألّقه على بحرنا بتبرق
قمرنا ويّا النجوم .. من حسنها غاير
وحسنها وشطّها .. احتاروا فى وصفه
ملوك وأمرا وشعرا.. وقاده وعساكر
اللى يزور يندهش.. ويسحره جمالها
يروح ويرجع لها .. يتمنّى ما يغادر
اسكندريه حبيبتى .. انتى نور عينى
يديم عليكى الجمال
طول مالزمن داير *
رفعت فايد