عجبي
عجبي على إنسان كان قلبه فى يوم ياناس دافى
كلامه كان زى الحرير طعمه كمان كان عسل صافى
صبح فى يوم من الأيام قاسي القلب وعليا متعافي
مستخسرفى أخوه المحبه ومحبته ليَ الدوا الشافى
ياأخويا أنا اللى فى صغرك شلتك كتير على إكتافى
ومهما تعمل فى يوم عمرك يا خويا يوم ما حتـــوافى
أناقلبى ياخلى عليك كان زى الحليب أبيض وشفافى
حطيتك جوه نن العيون وقلتلهايا عيــونى عليه خــافى
ومهما قابلت ناس عمرك ماحتلاقى حد زي بأوصــافى
تعدى عليا لا تقولى سلام إزيك ولاحتى بكلمة عـوافى
زعلت منك ورغم إنى محتاج منعتنى كرامتى وعــفافى
اخدت قُوتِى ومداسى ومشيت فى سكتى جعان حافى
أناكنت محتاج لدراعك يا جدع علشان يزق معايا مجدافى
نعدى بحرالظلم سوايمكن ألاقى يا خى عدلى وإنصافى
لاقيتك دراعك للأسف وأنافى عز ضعفى عليَ بيتعافى
وعجبي....
محمد ابو الفتح