خد من حناني :-
==========
خد من حناني أنا 
وأروى عطش ليلي
عطشان وحبك يا روحى
هو اللى يرويني
دا من دموع الفراق 
دابت مناديلي
أروى سنين الجفا 
تطرح رموش عينى
ويوم هواك لما جاني
نور قناديلي
الحب عمرة كدا 
ناره بتكويني
سهران وليلى طويل 
محتاج تدفيني
دا أنا من هواك بترجف
أحضني قويني
خدني فى حنانك قوى 
أعصرني صفيني
ما أنا كل ما احتاج محبة 
قلبك يكفيني
وأنت اللى ماشى بتعزف 
فى شراييني
حب وأمل وحنان 
وكمان بترضينى
ولما احتاج هواك
أنت اللى بتجينى
وبيك يا نصي الجميل 
تكمل أصول ديني
وروحي لو يوم تفتني
ألقى روحك تجيني
بقلمي ،،
على مصطفى ،،،