مبادره لكل مصرى ابى حر سئم الدم والفتن والكره والمؤامرات والفرقة
مبادره لكل كاتب وشاعر وقاص وجب عليه ان يكون له دور رائد فى مثل هذه المواقف الفارقة بتاريخ بلده لا تبخلوا باقلامكم وفكركم الرشيد للم الشمل نريد مصر دون مسميات نريدها شعب دون فصائل ولا احزاب ولا تفريق بين مسلم و مسيحى نريدها دون مزايدة منا على حب احد منا لها عن الاخر نداء منى لكل مصرى حر اكتب اسمك فالتاريخ يدون بادر قبل ان تغادر وكن شعاع النور بزمن ندر واندثر به كل نفيس ثمين
يا مصر لمى الولاد
==========
يا مصر لمى الولاد
وقومى اعدلى المايل
علميهم معنى الوداد
ليه الكل من اخوه شايل
الحمل عليا زاد
وتعبت من الحاصل
قطعت الشراب والزاد
على دم رخص سايل
اشتقت للاعياد
وعلى الفرح باتحايل
نرجع نعيد لامجاد
ونخلى الوداد واصل
امتى الزمن هيجود
يا ام الهرم و النيل
والبرج ويا السد
محتاج جواب عاجل
امتى يجينى الرد
وازرعك خضره وخمايل
ونجنى الثمار بالايد
من قطن و سنابل
مشتاق لزمن الاسود
لعرابى ومصطفى كامل
وزغلول كمان و مراد
والسادات و عم جمال
مشتاق لجاهين و حداد
ولنجم كمان و الخال
تعالى نعيد القصايد
ونغزل سوا الموال
كفاية حبيبتى بعاد
على حدى الدموع سايل
علبت امد الايد
لاخويا ومش طايل
يا مصر لمى الولاد
وقومى اعدلى المايل
بقلم
=== الشاعر \راسم محمد