هووهى 
محمودعمارالزلبانى
هو
الله عليك يا جمل 
دوبنى جمال خفك 
خلانى فقدت الأمل 
أشرب كاسات ظرفك 
هى 
معرفش غير يا سم 
يلا بقى إمشى 
يلا بعيد إتلم 
لأسيب عليك رمشى 
هو 
الكلمة منك شفى 
والنظرة دى تسحر 
القلب منى إختفى 
والرمش دا يإسر 
هى 
شكلك شقى وعنيد 
والقلب مش فاضى 
هوينى وإمشى بعيد
لأجيبلك القاضى 
هو 
غاوى السجن بعيونك 
مؤبد ويمكن يطول 
القاضى جوى جفونك 
بلاش يبقى عزول 
هى 
ارجوك سيبنى لحالى 
بلاش تقلب جروح
ف الدنيا خابت أمالى 
وصبح القليب مجروح
هو 
ألفين سلامة لقلبك 
نفسى أخبيه بقلبى 
هو اللى خلانى أحبك 
بلاش تعاندى لحبى 
هى 
القلب منى قفلته 
فى الحب داق المرار 
من ندل مرة قابلته 
خلانى عايشه فى نار 
هو 
ما تيجى ننسى اللى فات
إحنا ولاد النهارده
وبلاش نعيد الاّهات 
يا غزالة فى البر شارده 
هى 
القلب زايد فى دقه 
والروح مناها تجيلك
إياك تساعد فى حرقه 
لأدعى ربك يشيلك 
هو 
القلب عندى يشيلك 
بقلبه إنتى الوحيدة 
وعيونى عرفت سبيلك
وأيامى بيكى سعيدة
هى 
معقولة يا دنيا فيكى 
سعادة تبدء بكلمة 
بثانية تبقى شريكى 
وأجرى أطولك يا نجمة 
هو
يا فرحة كانت فى بالى 
وبقيتى منى ك روحى 
دلوقتى إنتى حلالى 
يا بلسم يطيب جروحى 
هما 
يا رب ديم السعادة 
وحبيبى عمره يطول 
والفرح يبقى زيادة
وابعد عيون العزول 
محمودعمارالزلبانى
15\5\2015