جميع الحقوق محفوظة لصفحة

آل سلام لتعبئه المواد الغذائيه ودواجن التسمين‏ 

آل سلام لتعبئه المواد الغذائيه ودواجن التسمين‏ 

يسمح بتداول النشر والطبع ولكن بشرط ذكر المصدر

http://kenanaonline.com/MAS2008 

نصيحة صغيرة للاخوة المربين

هنلقى نظرة على خطوة تعدد الاعمار فى نفس المزرعة سواء بياض او

تسمين او امهات

انا عارف انها ساعات بتكون غضب او ظروف قهرية لاكن هنوضح بعض

الامور علشان اللى يتعرض للموقف دا يكون فاهم اية الكلام العلمى والعملى

للموضوع دا .

اولا فية قانون فى الدواجن اسمة All in - All out

يعنى لازم دخول كل القطيع وخروج كل القطيع مع بعض 

طيب تعالى نشوف تعدد الاعمار او تعدد مصادر الكتكوت بتعمل اية من

الناحية الصحية

معروف ان جميع الامراض الفيروسية اللى بنحصن ليها بتتاثر بالمناعة

الامية طيب فى حالة تعدد الاعمار او تعدد مصادر الكتكوت فى مزرعة واحدة

بيكون المناعة الامية متفاوتة جدا بشكل غير متوقع

وطبعا لما حضرتك بتيجى تحصن التحصينة الاولى من اى مرض فالافراد اللى

مناعة امة منخفضة بيكون الاستفادة من التحصين عالية والعكس فالافراد

اللى مناعة امة عالية بيكون الاستفادة من التحصينة منخفض

وهنا بنسمية الجيب المناعى او pocket immunty

واخطر حاجة فى فية جيب مناعى عالى فى اى قطيع او اصابة افراد دون

اخرى حتى لو فية رد فعل تحصين بنلاقى فية رد فعل بيبان على افراد دون اخرى 

ومن الخبرات الحقلية اللى لاحظناها فى المجال دا

اى قطيع بيكون متعدد الاعمار او المصادر وبيجيلة جمبورو بيكون خسايرة

عالية وبيكون منحنى النافق بياخد اقصى مدة ممكنة

طبعا اللى بيصاب بيكون الافراد اللى فى قمة الجيب المناعى لانها اقل مناعة

ولانها كانت اكثر مناعة امية

نقيس على موضوع المناعة الامية دا او حالة الام اى شىء تانى فلو جالك

قطيع من اكثر من ام او اكثر من مصدر تاكد ان حتى وانت بتعالج مشكلة

معينة فى اول العمر هتلاقى الاستجابة للعلاج مختلفة فى نفس القطيع

حتى الناس اللى بتحب تشتغل شغل علمى وبيقيسوا مناعة علشان يحددوا

ميعاد التحصين بردة لم ولن يسلموا من المشكلة دى الا اذا اخد عينات متماثلة

من كل الاعمار لنفس العنبر يعنى مش اى عينة وخلاص

طيب فية مشكلة تانية خاصة بانك تسكن من اكثر من مصدر او اكثر من عمر

للام فى نفس العنبر

وهى التفاوت فى احجام الكتكوت حتى لو التفاوت دا مش ملاحظ بالعين

المجردة

فيكون النتيجة وجود فراخ او كتاكيت بحجم اقل وهتكون مظلومة فى كل حاجة

من تناول علف او تناول مية او حتى وقت تناول التحصين او اللقاح بيكون

النتيجة ان الافراد دول بيكونوا القنبلة الموقوتة لما بيجى تحصل مرض يعنى

الفيرس او البكتيريا بيبدا بيهم

وبياثر بردة على الافراد اللى بالحجم الطبيعى

وبيكون خسارة اقتصادية لان بيظهر سردة او تفاوت فى الاحجام فى الاخر

اما عن تعدد الاعمار فى نفس المزرعة مش نفس العنبر بيكون خطورتها فى

ان برنامج التحصين هيكون مختلف فى التوقيت يعنى هتكون المزرعة

باستمرار تحت تاثير تحصينات من رد فعل يخرج من عنبر للعنبر الاخر

او مرض بمجرد ما يشفى منة العنبر يروح للعنبر التانى 

الخلاصة حاول بقدر المستطاع ان يكون عنبرك او مزرعتك عمر واحد ووقت

واحد من قطيع امهات واحدة . 

                                    للمهندس / عاطف عبدالدايم

جميع الحقوق محفوظة لصفحة
آل سلام لتعبئه المواد الغذائيه ودواجن التسمين‏ 

آل سلام لتعبئه المواد الغذائيه ودواجن التسمين‏ 

يسمح بتداول النشر والطبع ولكن بشرط ذكر المصدر

http://kenanaonline.com/MAS2008