جميع الحقوق محفوظة لصفحة
آل سلام لتعبئه المواد الغذائيه ودواجن التسمين‏ 

آل سلام لتعبئه المواد الغذائيه ودواجن التسمين‏ 

يسمح بتداول النشر والطبع ولكن بشرط ذكر المصدر

http://kenanaonline.com/MAS2008

ولان ايصال المعلومة بشكل فية نوع من الفكاهة والسخرية 

ولكى ترسخ المعلومة فى العقول والاذهان وبدون تعب وجهد 

فكان هذا اسلوبة وطريقتة وسردة للامور .

رجل عشق المجال وتعلم من خباياة ودروبة وحوارية وزى ما مقال 

الزعيم الليبى الراحل ( بيت بيت - دار دار - زنقة زنقة )

فهو كذلك تعلم منها ما يؤهلة لينصح ويرشد ويعظ 

فهل من منتصح ومرتشد ومتعظ ؟؟؟؟

والان مع نصيحة غالية لمن يعى ويتدبر 

ـــــــــــــــــــــــــــــــــــــــــــــــــــــــــــــــــــــــــــــــ

تعرف ايه هى الدورات اللى ماتشتغلش فيها لانها بنسبة 90%

خسرانه
النهارده جايبلكم بهاريز خبرة السنين

( الترجمة علشان اخوانا غير المصريين بهاريز=خلاصة )

انا هقول سؤال وفى نفس الوقت انا اللى هجاوب عليه

(يعنى واخدها مقاوله حفر وردم)

فيه حد عنده اعتراض .

خلاص موافقه

ماهى الدورات التى يعتبر الدخول فيها مجازفه كبيره ويجب الابتعاد عنها لتفادى الخساره ؟

شهور ديسمبر - يناير - فبراير - مارس - ابريل :

الفتره دى بيكون الجو برد جدا وبتنشط فيه كل الامراض بالاضافه الى

ارتفاع تكلفة التدفئه (يعنى مش هتخسر حاجه لما تريح الفتره دى

علشان تضمن انك ماتخسرش .

شهور يونية - يوليو - اغسطس :

الفتره دى بيكون الجو حر جداااا يعنى هتفضل طول الدوره ماشى تمام

وفى الاخر تيجى موجة حر تبهدلك (يعنى مش هتخسر حاجه لما

تريح الفتره دى علشان تضمن انك ماتخسرش .

شهر ستمبر :

دى فترة عيد الاضحى بالاضافه الى دخول المدارس واكيد معظمنا لنا

زكريات سوده فى الفتره دى.المضحك فى الفتره دى ان كلنا بنفكر

نفس التفكير وبنعمل حسابنا اننا نطلع دوره بعد العيد ب20 يوم على

ماالناس تخلص اللحمه والنتيجه انتم عارفينها(يعنى مش هتخسر

حاجه لما تريح الشهر ده علشان تضمن انك ماتخسرش .

شهر اكتوبر ونوفمبر :

الجو معتدل وجميل ومفيش اعياد بس استنه تعالى نحسبها كده

الاول ايه ده اسعار الكتاكيت غاليه قوى ياعم الحج استنه على ما

الاسعار تريح شويه الحسبه كده هتخسر (يعنى مش هتخسر حاجه

لما تريح الفتره دى علشان تضمن انك ماتخسرش .

شهرمايو :

الجو جميل ومفيش اعياد واسعار الكتاكيت حلوه بس المشكله اسعار

العلف عاليه قوى يعنى العمليه مش هتجيب همها(انت شغال طول

السنه ما شاء الله يعنى مش هتخسر حاجه لما تريح نفسك شويه

على ما اسعار العلف تريح شويه يارجل ان لبدنك عليك حق 

لو انت عايزتشتغل فى الشغلانه دى وتبعد عن المخاطره وتضمن

المكسب ابعد عن الفترات اللى ان قولتها وانا شخصيا اضمنلك

المكسب.

اتمنى ان تكون الرساله وصلت

                                       مهندس / محمد البارودى

اعتقد كدة الرسالة وصلت ولا لسة ناوى تفكر تانى وتحسبها 
اتحسبت ونتياجها قدام عنيك فالنترك لك القرار

المقال تجميع وتنسيق ادارة صفحة

جميع الحقوق محفوظة لصفحة
آل سلام لتعبئه المواد الغذائيه ودواجن التسمين‏ 

آل سلام لتعبئه المواد الغذائيه ودواجن التسمين‏ 

يسمح بتداول النشر والطبع ولكن بشرط ذكر المصدر

http://kenanaonline.com/MAS2008