<!--
<!--
<!--<!--
مصر ياقلبي * كلمات / حسن البدوي
----------------------------------
قلبي عليك ياوطن مجروح
وجوايا صرخة مكتومة
ودموع جوه العيون سيَّالة
على شباب كل يوم بيموت
على وطن بيضيع
على أطفال على رجالة
الدم في نهارك وليلك
ياوطن سايح
وبلطحي في أرضك
بالسلاح طايح
قناعه اسود زي قلبه
يخرب يكسر يدمر
وبلدي محتاجة نبني
ونزرع ونعمر
أيادي شغالة مش أيادي
غدارة للشباب قتَّالة
جوه المصانع
وسط المزارع
شباب واقفين
ورجالة شغالة
صبح وليل ووقت القيَّالة
وعمال بتبني وتعلي
فوق السقالة
كنا قدام العدا أسود أبطال
كنا رجالة ووقفنا وقفة رجالة
أهون عليك يامصري؟ يهون عليك وطنك؟
ويهون عليك دمايا
في البلاد سيّالة؟
كلمات / حسن البدوي
-----------------------------------
ساحة النقاش