<!--
<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->
بعت لي جواب ** بقلم / حسن البدوي
************************
سافر لبلاد بعيدة
وبعت لي من يومين جواب
يقولي يابني بلاش ملامة
بلاش زعل وبلاش عتاب
كان غصب عني يابني
سافرت وهاجرت
لاجل أشوف
رزق أمك واخواتك
بدل ما أقعد وأدور
أسأل على الأبواب
يابني ماتزعل وحياتك
عارف إني سافرت
وبقيت وحدك من غير أحباب
كان نفسي أشوفك عريس
كان نفسي أفرح زي الناس
لكن يابني انكتب علينا الفراق
وانكتب علينا نكون أغراب
كان نفسي أقف وياك
وأشهد على كتب الكتاب
لكن علشانكم يابني
مستعد اجوع واشقى
مستعد يابني أسف تراب
لاجل ماتعيشوا سعدا
مستعد أطير فوق السحاب
دي الغربة صعبة ومُرة
وكله يابني مكتوب في كتاب
وانت الكبير يابني
والكبير يتحمل اخواته
واصبر عليهم يازين الشباب
وخلي بالك من امك واخواتك
وكونوا دايما احباب واصحاب
دي الغربة عليَّا صعبة وقوية
كلها ألم يابني وفراق وعذاب
وخليك واعي يابني وصاحي
ولاتصاحب الخاين ولا الكداب
واياك تزعل من ابوك
كفاية يابني ملامة وكفاية عتاب
كان نفسي أشوفك عريس
بس طمني يابني وسامحني
وابعت لي لو سمحت جواب
*********************
كلمات / حسن البدوي
إهداء لروح أبي الحبيب رحمه الله
ساحة النقاش