تزوير ** بقلم / حسن البدوي

مالك ياشعب مصر؟!!

الورق ورقنا

والدفاتر دفاترنا

والعسكر معانا

والغفر ورانا

والمأمور حامينا

والمشير والينا

والفلول تبعنا

مين يفكر يعادينا؟

ومين يقدر علينا؟!!

الفلوس في جيبنا

والرشوة طريقنا

 والتزوير شعارنا

والشيطان صديقنا

ولاحد شايفنا

ولايقدر يحوشنا

بنقول والكل سامعنا

دي مصر عزبتنا

أرضنا وبلدنا

ولاحد يقدر يإذينا

و"مبارك" أبونا

وماله لما سرقنا ؟!!

شفناه وطنشنا !!

ماهو ياما أكلنا وشربنا

وماله لما خربها وضيعنا؟!!

 ماهو ياما هشكنا و دلعنا

و"شفيق" حبيبنا وقريبنا

هو اللي يحكمنا ويشكمنا

وماله لما يكون رئيسنا؟!!

انطق ياشعب انطق ريحنا

خد "شفيق" وخلصنا

ولا نخلصك براحتنا  !!!!

" وأطيعوا الله وأطيعوا الرسول وأولي الأمر منكم"!!!

هاااااه قول  ياشعب وخلصنا ولانطلع روحك بإدينا !!!

من فيلم " الزوجة التانية " أو فيلم " الثورة التانية"!!

من إعداد / حسن البدوي * 27/5/2012/م