جارى التحميل
استخدم زر ESC أو رجوع للعودة
(الجمل والحمار) * بقلم / حسن البدوي
الاسم شفيق والرتبة فريق
والمهنة طيار
الاسم شفيق والرتبة فريق
والتهمة جزار
والجمل شاهد والحصان والحمار
والميدان يشهد ومعاه كل الثوار
ومصر شاهدة والشمس تشهد
ويا الليل والنهار
إنه كان خاين فريق غدار
والأرض تشهد والكون ويا المطار
إنه كان فاسد فلول جبار
إنه باع بلدنا وركب التيار
إنه قتل ولادنا
وكان ظالم شفيق مكار
الاسم شفيق والشعب غريق
تايه حزين محتار
ياشعب فوق مافيه ندم
مافيه خوف مافيه أعذار
فوق ياشعب وصحصح
حكم ضميرك وركز واختار
ياشعب ليه تتسرع
إنت في إيدك الحل والقرار
نجيب فاسد فلول غدار؟
بعد ما حسني تنحى وغار؟
بكرة يحكمنا بالحديد والنار
بكرة تموت الثورة ويموت كل الثوار
اختار ياشعب اللي يحبك ويرجع
للشهيد حقه ومعاه كل الثوار
اختار اللي يشيل همك
ويرجع الأمن والاستقرار
وزي ما قالوا زمااان
كتر التجارب يعلم الشطار
فكر ياشعب قبل ما تختار
فكر وسيبك من الخاين الغدار
إياك تضعف إياك تنهار
في إيدك الحل في إيدك القرار
ياتعيش حر كما الأحرار
ياتموت في السجون خلف الأسوار
بقلم / حسن البدوي
ساحة النقاش