الشاعر المصري / احمد ابراهيم
*****************************
فى قصيدة / ( عشان خاطرك )
*****************************
عشان خاطرك انا صابر ومتحمّل
يطول الليل وانا صابر ومطمّن
عشان الفجر هيجمّل حواريكي
هتشرق شمس وتنوّر دروب فيكي
وتتبخّر دموع الحزن ف عنيكي
وتتبسّم خطاويكي وتتقسّم مواويلك
على الاوتار نشيد بلدي واغنّيكي
وأكتبلك بحور م العشق وارويكي
عشان خاطرك انا صابر على جرحي
ولا قايل ما انا التايه
فى دوامة سواقيكي
عشان خاطرك هاعيش
الحلم وهكمّل حكاويكي
هرم شامخ ونيل جاري
على ضفة لياليكي
ولا قال الهرم اه يوم
ولا ليكي في يوم راح اللوم
ده انا شارب ومن نيلك
ولا غيرك حبيبه ف يوم
ده انا مشيتك سنين مشوار
عشقتك دار
عشقتك طرحه وطاقيه
وطين وعمار
فى ضحكة بنت مصريه
وراجل م التعب شقيان وعاش سهران
يعيش يحلم هنا يطلع
في حلمه نهار
يعيش مستور ومش عايز دهب ولا مال
ولا يوم قال
ولا اتكلّم ده عايش بس متألّم
ده عايش بس متألّم
عشان خطرك انا صابر ومتحمّل
*****************************
الشاعر المصري / احمد ابراهيم

 

المصدر: بقلم الشاعر المصرى// احمد ابراهيم// عشان خاطرك
  • Currently 0/5 Stars.
  • 1 2 3 4 5
0 تصويتات / 41 مشاهدة
نشرت فى 5 يوليو 2016 بواسطة Cleobatra

عدد زيارات الموقع

55,653