صرخة!!
أحنا جيل ضاعت مواهبه.. بالوسيط. والمعرفه.. شوف ده كاتب أبنه كاتب.. واحنا بمبه وبالشفا!! ودوه مخرج أبنه مخرج.. واحنا بره.. بره نخرج.. والله لوعينا ح تخرج.. دي الوساطة محنتفه!! كله ماشي بالوراثة.. مش مواهب أو دراسة. يعني جد ومش مياسه.. حاجه وسخه ومقرفه..!! ورغم هذا عملت نفسي.. وياما كنت أبني ف أسمي.. وبجتهادي مشيتها رسمي.. بدون أمور متستفه.. بس فين وصلت فين؟! رغم كل شقا السنين.. نص شهره..ونص عين.. والأدين متكتفه..!! عاوز أصرخ أقول حرام.. فني ده رفيع المقام.. بس راح يطلع بكام؟! لا عقول ولا قلوب منصفة!! م انا أصلي فاقد معرفه..!!.. م أنا أصلي فاقد معرفة!! وأحنا جيل ضاعت مواهبه.. بالوسيط والمعرفة.. واحنا جيل ضاعت مواهبه.. بالوسيط والمعرفة!!. الشاعر والمؤلف وبدون وسايط ولا معرفة :
حسن عمران
