.................... إنتبهوا قبل فوات الأوان .................
....................................................................
لما ينتصر علينا الإختلاف
ونعيش كلنا في خلاف
والشيطان يخلينا ضعاف
وتتهاوي أوراق الصفصاف
علي الأرض الحزينه
وتجنح بينا السفينه
مش لاقيه مينا ولا ضفاف
أو أيادي آمينه ومجداف
عار تملا الدموع عينينا
والقسوة تقتل وتشرد فينا
والأرض تعيش في جفاف
وتهرب الرحمه من إيدينا 
مش لاقيه اللي يعطف علينا
أو قلوب محبه لينا بالإنصاف
يا ناس يا بشر يا إنسان
أنتبهوا قبل فوات الأوان
قبل اللعنه ما تنزل بركان
ونتوه في الفصول والأوان
لا في البرد ح نلقا لحاف
ولا في الحر هوا جاف
والزرع من الأرض ح يخاف
والجوع ح يسري فينا جفاف
لا فرق بين غني وفقير
لا ح نلقا غموس او لقمة حاف
أطهر كتاب واضح بالتوحيد
مكنون محفوظ من زمان
ميعرفش إلا الصالح 
ولا له معارف ولا مصالح
ولا الصعود علي الكتاف
معانيه واضحه بالإيمان
الفتنه ح تحرق العمار
وتخرب فينا بكل إسراف
طيب حق البشر فين ... تاه
قبل ما نضيع ونبقي ذي الأعراف
لا سلطه ح تفيد ولا نفوذ ولا جاه
همبكه وضحكه حلوة وإستظراف
خسئت يا بني أدم في الضياع
وقلبك إتمرمغ في الأوجاع
أنعم عليك تكون من الأشراف
أنعم تكون إنسان بالعقل والميزان
للأسف هربت منك الحكمه
وايامك إسودت وبقت ضلمه
لما بعد عن السنه والقرأن
ويا بخت من تاب وسجد للرحمن
..................................................................
............... إحساس الشاعر/ حسـن الشـوان ..........