وكالعادة...
 بنقفل قلبنا ونتبت ونحلف إن الحزن اللي راح والله مهو راجع..
ولكن إحنا أضعف من أن ننسيى ونقسى ونعدي  لأن ببساطة جرحنا بيكبر وبيزيد ألمه وقلبنا بيزيد اشتياقه وعقلنا بيفضل يفكر القلب بعذابه ويقول هترجع تندم وتتألم ووجعك المرة الجاية هياخد من روحك فرحها ومن قلبك أمانه ومن ضحكتك نورها...
المرة دي وجعك خلاص هيعيش معاك، هيلازمك هيقولك والله مهسيبك عشان تتعلم تحافظ على قلبك مش كل شوية جرح وعذاب مش كل شوية  وجع وقهر وترجع تقول هو إيه اللي حصل يعني..
المرة دي هتبقى غير لما ترجع لعذابك بإيديك مش هتقدر تشتكي ولا تتألم لأن محدش هيطبطب هيقولوا هو استحلى العذاب استحلى دور الضحية، وعشان كده هنقفل قلبنا ونتبت وهنحلف إن الحزن مش راجع⁦❤️⁩