المصدر: قصائد قصيره (18) *** بقلم السيدابوطاحون ********* لما درويش ب يقابلنا كل يوم فى ابتسامات الورود وانكسارات الوطن يبقى معنى الموت دا ايه ؟ ! غير سكوت .. او خيانه او عفن . *محمود درويش عايش ********* طول م العجول حاكمه العقول المفعمه الشمس تطلع و الحكايه مضلمه والنيل نجاشى والنجاسه منظمه فوق الكراسي ياما ناس مش فاهمه ! ********* مسى عليا القمر وسكرت من صوته ورغم قلبه الحجر عشقه وما افوته طلع الجمل ع الشجر بلع الشجر موته ما تزعلوش القمر لو جاي بنبوته يمكن في وقت الخطر يفتح لنا بيته اعصار وهاج المطر في قلبي خبيته *مساء القمر ********* ماتسألوش القمر سر غيابه ايه على البيبات ننتظر الحب مافيه ليه *ماتسألوش ********* وآه من صباحك ونورك وبوحك و ورد الجناين بيحلف ب بروحك ويستنى همسك ويعشق براحك وآه من صباحك *صباحك ********* شايفك يا عيد من بعيد و بتبتسم ؟ ! مش اكيد قلبى وعايش وحيد فى صحرا ما لها حدود كل الشوارع سدود فين السعاده يا عيد ؟ ! *فين ؟! ********* يغني الورد من ايدك ويرقص لما يو صلني وادعي ربنا يزبدك على بعادك يصبرني *الصبر ******** يعدى البحر صباحى واروح للفجر ك العاده قابلني الصبح بالنوح لأن الفجر كان كاذب ونفسى يا نفسى ترتاحى ولو على قهوه مش ساده *عاده ********* ليه يا واحشني بتهرب مني اعرف ان الدنيا يا عمري من غير حبك ما تلزمني *ماتلزمني ********* رغم كسوفك قلبي بيضحك لما يشوفك أنت تنامي وعيني بتحلم بس تبوسك او تتونس جوه حروفك احلى صباح اني أشوفني جوه عيونك *أشوفني ********* اسمحيلي بضمه واحده تطفى ناري والعذاب سلميني شفه واحده شبعيني م الرضاب *شبعيني ********* #قصائدقصيره (18) #الاخنوم