المصدر: فى توب إنسان **************** انا عايش على الأحزان وببكى مرار على الحرمان يزيد فيا الألم ويدوب وأخاف لو حزنى فجأة يبان ولا عايش ولا ميت ولا شايف لقلبى مكان أنا النسيان أنا اللى زمانى ربانى على البركان خطف منى سنين العُمر عزف لحنة مع الكتمان ووسط متاهة العتمة ضباب بيبعتر الألوان صاحبت كيان بيخدعنى فى قلب المُر ودعنى وبالمجان أنا شاهد عليك يازمان قلوب منها الحجر يبكى وقلب الطيبة لية يتهان ووسط سحابة الدخان صبح حلمى أكون ميت فى توب إنسان محمد سالم