مسائك راقي يا انثى

يا عايشة بينا مش عارفه

بإن الحب في الدنيا

عكس الحب ف الغرفه

،،،،،،،،،،،،،،،،،،،،،

مسائك راقي يا حاسه

بنصك اللي بقي مهدود

تعبتي خلاص من القصة

وكل حكايه ليها حدود

،،،،،،،،،،،،،،،،،،،،،

مسائك راقي يا فاهمه

بإن الحب لو موجود

كنا بكينا في الدنيا 

بلهفه وشوق علي المفقود

،،،،،،،،،،،،،،،،،،،،،،،

مسائك راقي يا كلمه

حروفها سر مش مفهوم

وتحلم باللي يفهمها

تلاقي القلب نازل لوم

،،،،،،،،،،،،،،،،،،،،،

كلام الحب في الاول

كأنه جنه للمحروم

ونرجع تاني نتسول

حروفه من طريق مشئوم

،،،،،،،،،،،،،،،،،،،،،،،،،

مسائك راقي يا انثي

يا محرومه من لقاء محبوب

مسيرك تاخدي مـ الدنيا

جزاء صبرك علي المكتوب

ـــــــــــ

احمدرمضان