خدك دبلان يا سوريا

ولا شايفه راحة بال

بهموم الدنيا شايلة

من قسوة الاندال

،،،،،،،،،،،،،،،،،،

ارضك دموعها غالية

والزرع فيكي حزين

علي بابك الف ساقية

ولعطشك مش سائلين

،،،،،،،،،،،،،،،،

خدك دبلان يا غالية

واخواتك مكسورين

من غيرك كان بيسقي

في جناين الياسمين

،،،،،،،،،،،،،،،،

الصوت واصل حدانا

من صرخة الاولاد

والـ اه طالعه غضبانه

تتحسبن عل العباد

،،،،،،،،،،،،،،،،

خدك دبلان يا سوريا

بحكاوي تلف الشام

وضمايرخلق عاميه

حرماكي من الاحلام

،،،،،،،،،،،،،،،،

راح اصرخ وانتي سامعه

وعيونا رافضة تنام

الضحكه بكرا راجعه

بعون من الرحمن

ــــــــــــــ

احمدرمضان

https://www.facebook.com/alfilsofahmed