مسائك راقي يا انثى

 

يا عايشة بينا مش عارفه

 

بإن الحب في الدنيا

 

عكس الحب ف الغرفه

 

،،،،،،،،،،،،،،،،،،،،،

 

مسائك راقي يا حاسه

 

بنصك اللي بقي مهدود

 

تعبتي خلاص من القصة

 

وكل حكايه ليها حدود

 

،،،،،،،،،،،،،،،،،،،،،

 

مسائك راقي يا فاهمه

 

بإن الحب لو موجود

 

كنا بكينا في الدنيا 

 

بلهفه وشوق علي المفقود

 

،،،،،،،،،،،،،،،،،،،،،،،

 

مسائك راقي يا كلمه

 

حروفها سر مش مفهوم

 

وتحلم باللي يفهمها

 

تلاقي القلب نازل لوم

 

،،،،،،،،،،،،،،،،،،،،،

 

كلام الحب في الاول

 

كأنه جنه للمحروم

 

ونرجع تاني نتسول

 

حروفه من طريق مشئوم

 

،،،،،،،،،،،،،،،،،،،،،،،،،

 

مسائك راقي يا انثي

 

يا محرومه من لقاء محبوب

 

مسيرك تاخدي مـ الدنيا

 

جزاء صبرك علي المكتوب

ـــــــــــ

احمدرمضان

  • Currently 0/5 Stars.
  • 1 2 3 4 5
0 تصويتات / 183 مشاهدة
نشرت فى 20 فبراير 2016 بواسطة AbuJumana

احمدرمضان

AbuJumana
موقع يضم بعض كتابات احمدرمضان www.chinanews.uk www.chinanews.uk www.chinanews.uk www.chinanews.uk كوكب الصين كوكب الصين »

ابحث

تسجيل الدخول

عدد زيارات الموقع

200,555