جارى التحميل
استخدم زر ESC أو رجوع للعودة
ليه يا حزن
ليه يا حزن كل ما أبيعك تشترينى ....
وليه يا حزن مُصِر بس تبكينى ....
أروح لمين يا حزن يبعد بينك وبينى ...
يا حزن بكل ما فيا بترجاك ...
وبعدين بقا يا حزن معاك ؟....
يا حزن عاوز فى يوم أنساك ....
يا ناس حد يترجاه معايا ....
ويقوله كفايه يا حزن بقا كفايه ...
بلاش بأيدك تكتب يا حزن النهايه ....
ليه يا حزن مش شايف غيرى ....
وكل ما أبعد يا حزن ليه تناديلى ...
خلاص هسد ودانى وتانى مش سامعك ...
وبدعى زى ما بكتنى يا حزن فى يوم أشوف دمعك ...
ومتلقاش حد يا حزن يطيب مواجعك ...
عاوز أسيبك وفى يوم أبداً ما ارجعلك ...
كفايه بقا حرام عليك ...
ليه ماشى وواخدنى فى أديك ....
هو أنا فى يوم مصعبتش عليك ؟....
يا حزن كفايه ده أنا إنسان ...
كفايه حرام طول عمرى وأنا تعبان ....
وكنت لغيرى بقدم الحنان .....
وبسأل ليه كل واحد منهم خان ...
ونسينى ونسى كل اللى كان ...
ليه يا حزن كل ما أبيعك تشترينى ..
ومُصِر يا حزن فى يوم تبكينى ...
بقلــــم: عـــــادل الشـــــهـــابى
