جارى التحميل
استخدم زر ESC أو رجوع للعودة
مليت ياعينى منك
__________________ بقلم *( أشرف عبد الحليم )*
لسه ياعينى عشقاه
وعايزه تسرحى فيه
وبعد مابكاكى داكله
لسه عاشقه عنيه
مليت ياعينى منك
وكرهت حبك ليه
حرقت دموعك جفونى
وخدى علمتى عليه
ولسه ياعينى مشتاقه
ونفسك تتأملى فيه
طب ارحمينى شويه
وخففى دمعك ليه
فى احر الليل نسياه
وف النهار مشتاقه ليه
كفايه من يوم ماسابك
ونورك خف عليه
وهو بينام مش دارى
ولاحاسس بالنتى فيه
كفايه لسعات دموعك
على خدى من نارها عليه
وكفايه عليه قلبى
التانى بيأن عليه
ودقاته ياعينى فى ودنى
بسمعها فى عز الليل
ال صورته فيه محفوره
ونسيانه صعب عليه
انسيه شويه ياعينى
نفسى انام ساعتين
-
