إحنا مش نعام *بقلم الشاعر *عادل الشهابي *

أحنا مش نعام
يا عالم أصحوا وفوقوا وكفايه كلام ....
وأعلموا يا عالم أننا مش نعام ....
ندفن راسنا فى الرمل وننام ....
ونسكت على الظلم ونعيش فى أحلام ...
ولو حد سأل نرد ونقوله كله تمام ....
لا يا عالم ده أحنا بنى الأنسان ....
اللى لا يرضى بالظلم ولا فى يوم يتهان ...
أقرأو تاريخنا وخدوا منه برهان ....
أحنا ولاد الأمة العربيه ....
اللى من يومها اتولدت آبيه ....
واللى أسمها فى كل أغنيه ....
أحنا العرب أحنا الحضارة ...
والتاريخ على حضارتنا أكبر أماره ...
أحنا العرب أسياد الناس ...
أحنا العرب دايما مرفوعين الراس ...
أحنا العرب والكرامة لينا أساس ...
لا يا عالم أحنا مش نعام ...
أحنا العرب من يومنا عظام ...
أسألوا الزرع أسألوا الصخور ....
يجاوبوكم العرب دوول نسور ..
أسألوا الشمس أسألوا النجوم ..
يقولوا العرب رجال ومش من اليوم ..
أسألوا المطر أسألوا الرمال ....
يقولوا ليكم العرب طول عمرهم رجال ..
يا عالم أصحوا وفوقوا وكفايه كلام ....
أعرفوا أن العرب رجال مش نعام ...
بقلــــــم: عـــــادل الشـــــهــابى