قولي يازمن *بقلم الشاعر عادل الشهابي *

قولى يا زمن
قولى يا زمن ...
مين فيك يؤتمن ..
من غير ما يطلب التمن ...
تعبت يا زمن من السؤال ...
والأخلاص فيك بقى شىء مُحال ..
خايف يكون ضاع من العم والخال ..
قولى يا زمن وسمعنى ...
قول الحقيقه لو حتى توجعنى ...
قول ومن وهمى يلا رجعنى ...
فين الوفى يا زمان فين الأخلاص ؟....
فين الحُب اللى كان فى قلوب الناس ؟...
قولى يا زمن يلا وأشجينى ...
قول يا زمن يلا وبكى عينى ...
يا زمن فين الحُب والحنان ؟...
فين الناس يا زمن بتوع زمان ؟...
عاوز أعرف يا زمن مين الوفى ومين اللى خان ؟..
ومين اللى على حجر صوان ؟....
ومين اللى عليه أخوه هان ؟....
ومين اللى مستعد يقدم على حُبه برهان ؟...
مين ومين ومين يا زمن ؟...
جاوبنى وجاهز معايا التمن ....
عاوز صديق بس يؤتمن .....
قولى وجاوبنى يلا يا زمن ...