جارى التحميل
استخدم زر ESC أو رجوع للعودة
البياض ولا السمار
قالوا بتحب إيه فى الجمال ....
وإيه بينهم ممكن تختار .....
البياض ولا السمـــــار ...
قولت اللون مش فارق يا خال ...
المهم الدلع والدلال .....
المهم اللى تشوفها تغيرلك الحال ...
اللى معاها مفيش شىء بيكون مُحال ...
أكيد الجمال جمال الروح ....
اللى ببسمه منها ترد ليك الروح ...
واللى بلمسة إديها تداوى ليك الجروح ...
تحب قلب طيب وحنون ...
قلب فى حُبك عمره ما يخون ...
وأنت فى حبه تكون مجنون ....
وعلشانه تتحدى كل الكون .....
وتحس أنه النور للعيون ...
وهو الحب اللى هيصون ...
يعنى إيه بياض ومفيش أحساس ؟....
السمار عُمره ما بيعيب يا ناس ....
المهم اللى يصون الحُب ويكون له أساس ...
ده أكيد هو اللى يسكن القلب ويتشال على الراس ..
وهو اللى يكون أغلى من الماس ...
وعيونى وقلبى يكونوا عليه حراس ...
عُمر الحُب ما كان باللون ....
ولا بشعر أصفر وكُحل العيون ...
الحب للى يقدر ويصون ....
مهما كان بقا اللون ....
بقلـــــم: عــــــادل الشــــــهــــابى
