((**أنا اتأكدت من حبك**))بقلم / الأستاذ:طارق شامخ عبد الجواد

أنا اتاكدت من حبك 

عرفت ابقى ايه عندك

لمحت اللهفه ف عينيك

وحسيت باللى جواك 

بغيره عليا من قلبك 

بنظره جايه بتسابقك

بتخطفها وفاكرني

مش شايفك ولآ حسك
وبتراقب فيا ف الرايحه
وف الجايه
وبتداري كده نفسك
انا زيك بحبك 
ايوه انا بحبك 
ولآ غيرك ولآ قبلك ولآ بعدك 
انا بنده نجوم الليل بإسمك
انا بحكي لضي الفجر ولشمسك
وبوصف ليهم صورتك
وبدعيلك وبسهرلك
انا بحلم اكون جمبك 
اشيل الهم عن قلبك 
اكون وردك اصون عرضك 
وإسمي يبقا من إسمك
انا اتاكدت من حبك

طارق شامخ عبد الجواد