**راجعة لية **بقلم \ سعيد ابو سالم**

راجعة لية !!!!
-------------------------------
انتى عايذة منى اية
راجعة تانى وبتندهينى
انا عارف راجعة لية
بالماضى راجعة تفكرينى
لاء خلاص
الحب مات بينك وبينى
الماضى فات ونسيت حنينى
أرجوكى سبينى اعيش سنينى
بفتكرك بتدمع عيونى
مات الاحساس
وافتكرت يوم ماكنا
انا وانتى على شط بحر
والغرام يوصل مابينا
اتقابلنا فى وقت عصر
مابين الناس
على الرمل يومها جرينا
انا وانتى شابكين ادينا
سبنا روحنا للموجة تشيلنا
تغسل همومنا
لبعيد تاخدنا
وترجع تجيبنا
والسما صافية فوقينا
والنسيم حامل الينا
عبير الورد من حولينا
من الفرحة يومها نسنا
اننا شابكين ادينا
عالموجة تجيبنا وتودينا
وافتكرت
لما للشط خرجنا
نجرى نلعب نبنى امالنا
وقعدنا على الرمل وقولنا
يلا بينا نبنى بيتنا
بالرمل نبنى قصر احلامنا
يومها مع بعض بدئنا
عملت سور يشبة ضلوعى
علية نور حبات دموعى
والسقف علينا يبقا حنانى
جواة ورود ترقص حولينا
لو جلسنا ساعة عصارى
هنا حجرة كبيرة لينا
وهنا حجرة ضيوف تجينا
وهنا حجرة قريبة منا
دى نخليها بقا لاولادنا
وابتسمنا وكتير فرحنا
كاننا بنينا بيتنا
مش على شط فى الحقيقة
فجئة لقينا موجة عاتية
جات علينا تجرى عالية
للشط خرجت لحظة ورجعت
تانى لمكانها
هدمت امالنا
والتفتنا مالقينا بيتنا
فاكرة سعتها لما بكينا
ونزلت دموعنا
وصعب علينا
اخدتك فى حضنى
وارتاحت راسك هنا على كتفى
لما جبينك نام على خدى
وسمعتى همسى ودق قلبى
بيندة باسمك
والشمس مالت للغروب
شكلها ناوية الهروب
سحبت خيوطها من الدروب
وظلام غطى على القلوب
وقمنا مشينا
قولتلك الشمس راحت
نامت هناك بس سابت
الظلام ومشاعرى خافت
من كتير ناس قالت
كام حبيبة هجرت وخانت
وعملت زى الشمس راحت
صدقت ظنونى
روحتى انتى ونستينى
فى الالم عايش سنينى
شايل فى قلبى همى وأنينى
طال السهر والنوم يجافينى
ومن البشر ما حد دوانى
رضيت بالقدر وعشت سنينى
والقاكى راجعة تفكرينى
لاء ارجوكى روحى وسبينى
وبلاش تانى تندهينى
-------------------------------------------------
بقلم \ سعيد ابو سالم
------------------------------------