** يكفا سكات** بقلم الشاعر / محمد رمضان**

الشاعر / محمد رمضان

** - يكفا سكات - **

لما قلبك ينتفض ...
جواك حزين ...
لما ينزل من عنيك ...
وإنته مش حاسس ...
بنفسك ...دمعتين ...
وتحسها ... صرخة
مكتومه في صدرك ...
بين ضلوعك ......
ويخطفك صوت الأنين
وسؤال لنفسك تسأله...
ده يبقى إيه ...
ده زي م يكون
حد مات .....
وتفوق علي صرخه
وآهه تشق قلبك
م الوجع .....
فيه إيه يا أمي...
تحضنك و تقول ... أخوك ...
إلي سافر من يومين
لمعسكره الغدر صابه
هناك يا قلبي ...
الولد مات ...
كات دخلته يوم الخميس
وقال لي جاي يوم التلااات
علشان أجيب يا أمه بدلتي
وفستان عروستي ...
وشوية حاجات .
أخويا .... مات ......
عمي ...مات ......
صاحبي مات ......
مصر جوايه بتصرخ
م الوجع ...بتصرخ م الألم
يا خلق آآآآآآآآآآآه .....
آآآآه ..... يا ناس ....
آآآآه ..... يا عالم ...
ألف آآآآآآآآآآآآآآآآآآآآآه ......
إندبحت من الأهاااات .
يكفا ....سكات ....
يا إبن بطني...
أخوووك و عمك ....
صااحبك ... قوم يا ولدي ...
شيل سلاحك ....
خد بتارهم م إلي خانوا..........
قوم يا أبني هات .
هات لي حق ...
كل واحد لينا ...
مات .
الشاعر / محمد رمضان