جارى التحميل
استخدم زر ESC أو رجوع للعودة
كل يوم قبل مـ انام
بعمل حصد للأحلام
اية منه حققتة
واية لسة ..
فى شعر النهارده كتبتة
و قريت كام قصة ؟
وفجأه أفتكرت
حب قديم واحشني
و فى لحظة قررت
انى بيها هتصل
فى قلبى ليها 100 رسالة مش راضية تترسل ..
بس قولت هقولها اية ؟
و أصلاً هتصل بيها تانى ليه ؟
اللى بينا انتهى و بقى يفصل بينا 100 وادى
لقيت أيدي بتكتب لها رسالة لا أرادى
" أزيك .. يا رب تمام
أنا قولت اتطمن بس قبل ما انام ..
الوقت فى بعدك بطئ جدا و مش بيفوت
انا كل لحظة بعيد عنك فيها بموت
مش متخيل اننا جه يوم علينا ولازم نسيب
ما هو كل شمس بيجيلها وقت و تغيب
بس اللى حصل بينا مش فراق
ده نصيب
هفضل أحبك بغباء
وهتفضلى ليا أغلي حبيب
النهارده الشوق زاد
عن المعدل المعتاد
اليوم كانت ذكرى اول مره اتقابلنا
كنا صحاب قدام زمايلنا
بس كان ما بينا حكايات
ساعتها قررنا نكمل حياتنا مع بعض
من غير فراق ولا بعد
أسف لو طولت عليكي
انا كنت بس عايز وأقول ليكي
أنك بجد وحشتيني
وياريت متكونيش نسيتي "
كتبت الرسالة و دوست أرسال
نزلت منى دمعه بتسأل سؤال
هو كلامى هيوصل لربنا
لان خلاص روحها ما بقتش موجوده عندنا
واهوة كل يوم ع ده الحال
وطبعا ان انساكى محال
مش قادر أستحمل الغياب
بس أكيد وجودك عند رب ليه أسباب
بس أكيد هنكمل حياتنا تانى فى الجنة
انتى سبقتي بس انا هستني
كل لما افتكر فى عيونك اللمعه
تهرب من خلف جفونى دمعه
ده تفكيري كل يوم قبل ما انام
بس اهي كلها ايام
لو عجبتك دوس على كلمة ( متابعه _ Follow ) في حسابي علشان تتابعني وتشوف كل القصص و القصائد الجديده
شكرا
#رسالة_مبتوصلش
#أحمد_سمير_حسن
