اشرف الشافعى " اسف..دنيتى .. "

اسف..دنيتى ..

آسف دنيتى ...انتى ابتديتى ..
هديتى فرحتى ..وعلى الجرح جيتى ..
لا رحمتى صرختى وباحزانك صممتى وابيتى ...
على همى سهرتى ...وعلى دمعتى تغذيتى ...
آسف دنيتى انتى ابتديتى ..
******/////********
يمضى جرح ..تجددى الجروح....
من احزانك لا باجى ولا بروح...
من الهم بنيتى من همنا صروح...
اشكى لمين همى ...ولمين ابوح...
كل اللى اشكيله الاقيه مجروح...
عايشين فيكى جبر ..عايشين حلوة روح..
كل ما اطرق باب فرح الاقيه غير مسموح
آسف دنيتى ..خلتينى من غير سكين مدبوح..
*****//////******
ماشى فى سكتى وانيسى الدمعه...
بصرخ فين الرحمه ..صماء ومش سامعه.
وهمومك زودتى ..احزانك على جامعه..
الهم فيكى زاد...والحزن باق له لمعه..
آسف دنيتى ...خساره فيكى الدمعه..
********/////******
شربت من مرك ومليت كاسى ..
كتبت من همك ...سطرت قرطاسى...
الصخر من دمعتى لان ..وما لن قلبك القاسى ...
حرام عليكى يا دنيا قطعت انفاسى ..
لو اخطآت اعتذرلك ..حقك على رآسى ..
طالب شوية رحمه ..خفى على المآسى ..
********/////****/**
مالك يا دنيا العجب حطمتى احلامنا ...
صارت ايامك غضب ..سودتى ايامنا..
فرحك علينا اتحجب ..حزنك قدمنا ...
امرك علينا وجب ..جاير وظلمنا...
آسف يا دنيا العجب هديتى ما رسمنا...
اشرف....الشافعى ...