الشاعر / شعبان مكى " لو عايز تسافر سافر "

لو عايز تسافر سافر

شكلك كده ع البعد ق قادر
مش هقولك غير براحتك
لو قدرت و قلبك سمحلك
إنك عنى تسافر و تبعد
تفتكر ساعتها هتبقى إسعد
يا حبيبى خليك براحتك
أنا مش عايزه إلا راحتك 
و متقوليش سامحينى سامحتك
بس قولى ع إيه أسامحك 
إنك هتغيب
و متبقاش قريب
معقولة يبقى ده النصيب
متقوليش إيوه علشان شويه فلوس
أنا ع أى شئ ممكن أدوس
أنا مش محتاجة إلا لحنانك
خليك مكانك
محتاجة أمانك
و بأى حاجة معاك هعيش
أنت عارف يا حبيبى
أننا غيرك مليش
و حياتى م غيرك متسويش
كفايه إنى أبقى معاك 
أبقى ف بالك
أبقى قبالك
بس لو ده قرارك
خلاص براحتك
أنا مهمنيش إلا راحتك
أما بقى عليا أنا
فأنا سامحتك
............................ ف 19 / 12 / 2014 
من صفحة الشاعر / شعبان مكى شاعر عامية