جارى التحميل
استخدم زر ESC أو رجوع للعودة
دكان السعاده
ماشى ولقيت على محل مكتوب ...
يوجد هنا بسمه تسعد قلوب ...
ويوجد صبر كمان للمحبوب ..
قولت أدخل وأشوف الأسعار ...
وللطريقه المناسبه أكيد هختار ..
لقيت الأسعار خياليه ...
وحاجات كلها وهميه ...
وكمان بشترى سمك فى ميه ...
قولته عاوز بسمه معايا طول السنين ..
وعاوز قلبى ميكونش فى يوم حزين ..
ضحك وقالى أنت من هنا ولا منين ..
البسمه هنا مؤقته ....
والاسعار أنت شايفها متنططه ...
عاوز إيه يلا قول ...
وعلى فكره الصبر منتهى المفعول ...
قولت أمشى وأشوف كمان دكان ...
لقيت البسمه قآآآآله وكتير أحزان ...
آه يا حزن مسيطر علينا ...
نضحك تستكترها الدنيا علينا ...
عايش وأدينى مستنى ...
إنى أكون فى يوم متهنى ..
بقلــــم: عـــــادل الشــــهـــابى
