جارى التحميل
استخدم زر ESC أو رجوع للعودة
تحت شجرة توت
على شط نهر مركبة راسية جوا ضله
و شجرالموز مايل عنقوده طرح
ونخلة قصيرة فى ضلها محمله بلح
وغيط نعناع مسقية ريحتها جاية فى نسمة هله
وعلى التنور الشاى بيغلى
وصرة العيش متعلقة فى حضن الشجر وياها قله
وعيال بتتشاقى.. وشمس الأصيل حراقة
عمالة تحرجم قلوبنا على شكل نخلة
وبنت سمرا من طين بلادى نازلة الشط ...تتدلى
فكت ضفايرها شردت معاها روحى
قال ايه بتتسلى
وعن قارب صياد جوا قارب
رمى شباكه وكان صيده قلب شارب
سكران من سحر الشبك
واللى انشبك روحى تألمت بلا عله
من جوا العباية معلقة فى القدم خلخال
....اتدلى ....
على صفحة المية نغم غنيته بقلبى موال
أحلف رأيت بعينى السمك جمهور
واللى امتلك روحى بحر من نور
معرفش لاقيتها جنية وبقيت انا المسحور
ولا حورية ملاك نازل من السما
وقلبى انا المأسور
يا ريتنى ما اتدليت فى عز الحر وجيت
ويا ريته قلبى انا فر و من هواك ولى
خالد العطار
