شعر/ اشرف حنفى على * ياوطنى دمعك كوانى *

 * ياوطنى دمعك كوانى * نسجت من حزنى توب ، وطفت بيه البلاد .. أنعى انكسارالوطن ، قبل الأوان والميعاد .. فين ابتسام الحنين ؟ فين ابتسام الوداد ؟ مين اللى شَوه ملامحك ؟، يانبع بيرش الحنين على كل أيام زمانى *

حبيت هواك وسماك ، عايش نبضى بنداك ، يصعب عليا بكاك ، باِدينا طفينا ضيك ، وحرقنا شمعة بهاك ، وازاى هنَول رضاك ؟ وازاى كلمة بحبك يقدر يقولها لسانى ؟ *
يصعب عليا أشوفك .. عليل بتنزف حروفك .. ياما نفسى يحضنى صوتك .. أفديك بروحى ودمى ، ولا لحظه انت تعانى *
قولولى يااهل الدين : ازاى تحكموا شعب بتقولوا (طظ فيه) ؟ ، هو انتم متوصيين تدوس رجليكم عليه ؟ ، لما يبقى الدين ستار ..قولى ياصاحب القرار : ده أسميه جبن ولا عار؟ .. ياللى جوانا قتلتوا فينا احلى المعانى *
بكره شيلتونا همه ، حزن وخليتوا قلوبنا تضمه ، حتى الحب اللى بينا : قتلتوه وشربتوا كل دمه ، دبحتوا شريان وطنا .. وكل واحد منكم باع حته منه ، حكم ده ولا مذله وتهميش ؟ .. فاكرين هنقعد فى زله .. نستنى منَكوا لقمة عيش ؟ ، لا ده ولا فى الأحلام .. مارد ثورتنا قام .. لاعمره هيهدا ولابينام .. عمرك ياظالم زايل مهما طال ، اما العدل فعمره دوام .. يامصرى قوم فوق واتنبه ، للى بيحصل فى بلادك .. دى مصر مش طوب وحجاره ، مصر هى أمجادك .. مصر هى حضن الأم .. هى حضن علينا يضم .. ازاى باِِيدينا نسقيها احنا نقطة غم ؟ .. ياشعبنا ياشعب الأبطال ، ياللى جواكو رجوله .. لازم نحرر نفسينا ، نهديكى يامصر بطوله .. بنوعدك احنا ياغاليه ، مفيش وصى تانى علينا ، قرارنا هيكون باِدينا ، يامصر جرحك دابح فينا ، خلانا كلنا بنعانى *
ايدينا دايما ايد واحده ، على حبك انتى متحده ، بمحبه هنداوى جراحنا ، ده الحب والله يا احبابنا ، قادر يجمل ملامحنا ، لو خليناه يسكن روحنا ، يابلدنا ياللا نقول للاِرهاب لأ ، كفايه علينا سكوت وهوان .. عمر الرضا ما غير انسان .. ارادتنا هتمحى الاستسلام .. لازم نعلَى راية العدل ، ونمحى عننا عار الذل ، لا حد يحكمنا بمرشد ، كل كلامه بطعم الخل .. عرفنا احنا سكتنا ، ابعد بقى كتر خيرك .. ياللى انت دخيل على بيتنا ، ابعد بقى وسيبها لغيرك .. يكون مننا وحاسس بينا ، بدر هو فى ظلام ليلنا ، ساكن قلوبنا وعنينا ، غايب وحاضر شايلينه فى نبضنا عشان حاسس بينا ، بيحبنا واحنا نحبه .. يامصر اسمك على كفه ، واِسمه هو عنوانى *
ريسنا ياللى بتحكمنا ، بقلبك اِنت مراعينا .. معاك نحقق أحلامنا .. وتكون معانا ف خطاوينا .. باِيديك هتمسح دمعة مصر ، ولا عمر واحد منا يقول :
يــاوطنـى دمعـــــك ده كـوانـى
*(شعر/ اشرف حنفى على)* ***********************************************************
بكره شيلتونا همه ، حزن وخليتوا قلوبنا تضمه ، حتى الحب اللى بينا : قتلتوه وشربتوا كل دمه ، دبحتوا شريان وطنا .. وكل واحد منكم باع حته منه ، حكم ده ولا مذله وتهميش ؟ .. فاكرين هنقعد فى زله .. نستنى منَكوا لقمة عيش ؟ ، لا ده ولا فى الأحلام .. مارد ثورتنا قام .. لاعمره هيهدا ولابينام .. عمرك ياظالم زايل مهما طال ، اما العدل فعمره دوام .. يامصرى قوم فوق واتنبه ، للى بيحصل فى بلادك .. دى مصر مش طوب وحجاره ، مصر هى أمجادك .. مصر هى حضن الأم .. هى حضن علينا يضم .. ازاى باِِيدينا نسقيها احنا نقطة غم ؟ .. ياشعبنا ياشعب الأبطال ، ياللى جواكو رجوله .. لازم نحرر نفسينا ، نهديكى يامصر بطوله .. بنوعدك احنا ياغاليه ، مفيش وصى تانى علينا ، قرارنا هيكون باِدينا ، يامصر جرحك دابح فينا ، خلانا كلنا بنعانى *
ايدينا دايما ايد واحده ، على حبك انتى متحده ، بمحبه هنداوى جراحنا ، ده الحب والله يا احبابنا ، قادر يجمل ملامحنا ، لو خليناه يسكن روحنا ، يابلدنا ياللا نقول للاِرهاب لأ ، كفايه علينا سكوت وهوان .. عمر الرضا ما غير انسان .. ارادتنا هتمحى الاستسلام .. لازم نعلَى راية العدل ، ونمحى عننا عار الذل ، لا حد يحكمنا بمرشد ، كل كلامه بطعم الخل .. عرفنا احنا سكتنا ، ابعد بقى كتر خيرك .. ياللى انت دخيل على بيتنا ، ابعد بقى وسيبها لغيرك .. يكون مننا وحاسس بينا ، بدر هو فى ظلام ليلنا ، ساكن قلوبنا وعنينا ، غايب وحاضر شايلينه فى نبضنا عشان حاسس بينا ، بيحبنا واحنا نحبه .. يامصر اسمك على كفه ، واِسمه هو عنوانى *
ريسنا ياللى بتحكمنا ، بقلبك اِنت مراعينا .. معاك نحقق أحلامنا .. وتكون معانا ف خطاوينا .. باِيديك هتمسح دمعة مصر ، ولا عمر واحد منا يقول :
يــاوطنـى دمعـــــك ده كـوانـى
*(شعر/ اشرف حنفى على)* ***********************************************************