الشاعر / شعبان مكى " نفسى مسألكش "

نفسى
مسألكش أمتى هترجع
نفسى كده ف الحب أتقل
و أستناك أنت تقوللى
و تجاوبنى م غير م أسئل
إيوه نفسى لكن مبعرفش
عيونى ف غيابك بتدمع
و الشوق ف بعادك بيوجع
نفسى أستنى لما أسمع
كلمة وحشتينى مبقدرش
ببقى دايما أنا اللى سابقة
و بدخل أنا وعيونى ف مسابقة
مين اللى هيوصل فينا قبلا
ويملى قلبه من الغرام
مبيضيقنيش فيك غير تقلك
و أن ردك بيكون ع مهلك
أنت مش عارف إنى بهلك
و لا يكونش ده الغرام
خد بالك إنى بزعل
و أعرف كمان أنا برضه أتقل
و ممكن مفكرش إنى أسئل
أعمل زيك تمام
لو عشت ف الدور أعجبك
أنا ممكن كمان أجننك
لا و قادرة كمان أغلبك
و لما أشوفك كأنى شايفه
أى حد و السلام
لكنى بحب وجودك
لكن بتضايقنى ردودك
ف خلى بالك بس منى
و لاعشان بحبك أكمنى
تبقى دايما أنت اللى شاغلنى
طب بالذمة ده إسمه كلام
..................................... ف 12 / 12 / 2014 
من صفحة الشاعر / شعبان مكى شاعر عامية